نتكلم اليوم عن حكاية جديدة من حكايات السيارات وهتكون معانا سيارة جديدة تماما تنتمي لعائلة هيونداي وهي أحدث سيارة وصلت لأسواقنا بتحمل العلامة الكورية هيونداي، السيارة هذي هي الكروس أوفر المدمجة الصغيرة هيونداي فينيو، اختيار فينيو راجع لأن هيونداي كانت مضطرة علشان تدخل السوق الأمريكي كان لازم تكون سيارتها الجديدة مصنعة بكل مواصفات السلامة اللي بيحددها السوق هذا، السيارة الجديده فينيو بتشترك في تجهيزات كتيرة مع شقيقتها كريتا، لكن زاد على التجهيزات هذى مواصفات سلامة محددة ما يمكن تدخل السوق الأمريكي إلا بيها، وهذا اللي خلا هيونداي تقدم فينيو بمواصفات أعلى من شقيقتها الكروس أوفر كريتا اللي ما يمكن تدخل السوق الأمريكي.
هيونداي فينيو ظهرت بشكل رسمي لأول مرة في معرض نيويورك للسيارات 2019، كموديل لعام 2020 كأصغر سيارة كروس أوفر في عائلة شركة هيونداي الكورية، قبل ما يقدموا السيارة كسبر في عام 2021، واللي صارت أصغر سيارة لهيونداي، السيارة فينيو بتعتبر أصغر من كونا وأكبر من الكاسبر، وانبنت على قاعدة عجلات السيارة السيدان الشهيرة هيونداي أكسنت، وكلمة فينيو كلمة كورية معناها مكان وطبعا يقصدوا إنه السيارة هي المكان اللي يتمنى ناس كتير التواجد فيه.
ومن الأشياء اللي نحب نوثقها وإحنا بنتكلم عن هيونداي فينيو إنه فيه نسختين من السيارة هذى وكل نسخة بتتصدر لسوق محدد نسخه بتتصنع في كوريا الجنوبية وهي اللي بيتم تصديرها للأسواق الأمريكية، والنسخة الثانية بتتصنع في الهند وهي اللي بتيجي أسواقنا ولمعظم أسواق الشرق الأوسط.النسخة الهندية بتيجي بقياسات أصغر بشئ بسيط عن النسخة الكورية في الطول وفي قاعدة العجلات ومن ناحية تانية هيونداي فينيو ما بتروح للأسواق الأوروبية ومكانها بيروح طراز هيونداي بايون اللي تم تدشينه عام 2021.
ونكمل معاكم حكاية أحدث سيارات هيونداي – الكروس أوفر فينيو المدمجة الصغيرة، فينيو بتعمل بالدفع الأمامي مع محرك بنزين بأربع سلندرات وسعة المحرك 1.6 لتر بشاحن توربو بيولد قوة بتوصل لـ 120 حصان، وعزم الدوران 172 نيوتن-متر، ومع محرك فينيو بيعمل ناقل حركة آلي متغير باستمرار وكمان فيه خيار بناقل حركة يدوي بست سرعات لكن في عام 2021 وقفوا إنتاج الطراز اليدوي عشان مبيعاته بالسوق الأمريكي كانت منخفضة. في عام 2022 دشنت هيونداي سيارتها فينيو بتحديثات منتصف العمر أو الفيس ليفت وبتغييرات شملت الواجهة الأمامية والخلفية وأضافت هيونداي تجهيزات متطوره للمقصورة الداخلية وفي نفس السنة وتحديدا في أغسطس عام 2022 دشنت شركة هيونداي طراز رياضي من فينيو بشعار N Line.
الطراز N LINE أكيد مختلف عن الطراز العادي لأنه بييجي بألواح أمامية وخلفية جديدة مصنوعة من الألمنيوم ومقسومة من المنتصف، وبتيجي بمآخذ للصدامات الرياضية وبجنوط ألمنيوم مقاس 16 بوصة, وبجناح خلفي أكبر، وبيتميز الطراز N LINE بتطعيمات حمراء على البلاستيك الأسود الصلب الواقي من الوحل والطين.
خلفية هيونداي فينيو بتيجي مع الفيس ليفت مميزة جدا وأبرز ما بيميزها أنابيب العادم المزدوجة المطلية بالكروم، واللي بتعمل بكامل طاقتها وبيصدرعنها صوت رياضي محبوب، ومن الداخل بتتميز فينيو بالخياطة الحمراء على المقاعد والأبواب ولوحة القيادة ومقبض ناقل الحركة اللي بيحمل علامة N التجارية.
بالنسبة لمحركات هيونداي فينيو الجديدة هنشوف أن الطراز الرياضي هيونداي فينيو N لاين وبشكل حصري بييجي بمحرك بنزين 3 سلندرات سعة 1.0 لتر مع شاحن توربو/ وفينيو بتستفيد من الضبط الخاص للتعليق والتوجيه واللي بيوفر تحكم أكبر للسيارة
ونكمل رحلة البحث والتوثيق عن سيارة هيونداي فينيو الكروس اوفر الجديدة على أسواقنا ومهم جدا لكل مشاهدينا أننا نعرف ان السيارة فينيو مش كريتا محسنة فيه اختلاف حقيقي بين الكروس اوفر هذي وهذا يخلينا نقول بأن كل سيارة من الاتنين ليها شخصية مستقلة فيه اختلاف أساسي في القياسات والأبعاد كبير بين الفئتين واختلاف في المحرك، وكمان في تجهيزات أو مواصفات السلامة والأمان وعشان تعطي هيونداي للسيارة الجديدة فينيو هويتها الخاصة تعمدت يكون تصميمها بطابع خاص بيجمع بين التصميم الرياضي والديناميكي القوي وبشكل عام هيونداي فينيو بتظهر بملامح كبيرة وجريئة.
فنيا وبخصوص تطور الأداء وفرت هيونداي للكروس اوفر نظام تحديد نمط القيادة لأداء متنوع بيتيح للسائق الاختيار بين النمط العادي أو الرياضي أو الاقتصادي حسب ظروف القيادة أو وحسب أسلوب السائق وتفضيله لنوع القياده اللي يناسبه كمان فيه خاصية مهمة وهي أن وحدة التحكم التلقائي بتقوم بإعادة ضبط ناقل الحركة علشان يتوافق مع تفضيلات السائق، وكمان ركزت هيونداي جدا على تصميم الهيكل الفولاذي الأحادي الصلب للغاية والمصمم لامتصاص قوة الصدمات بأمان مع قياسات فرامل ABS بتعطي قوة توقف كبيرة.
وفي جزئية الشكل الخارجي كان فيه ذكاء من هيونداي أنها تفرق بين شكل شبك التهوية الأمامي للفينيو وشبك التهوية الأمامي لكريتا/ وعشان يفرقوا بينهم هنشوف ان الشبك الأمامي الأمامي في فينيو بييجي مصنوع من الكروم الداكن وبتصميم مميز جدا، عشان يعزز من شخصية فينيو الجديدة والقوية كمان الصدام اللي بلون الهيكل والشكل المنزلق للمقدمة كل التفاصيل هذي عززت من المظهر الرياضي للكروس أوفر هيونداي فينيو/ كمان لمن نشوف غطاء المحرك والتقوسات اللي فيه هنعرف انه كان فيه اهتمام حقيقي بالتركيز على الشخصية الجريئة للسيارة ومظهرها الديناميكي.
الأضواء الأمامية بتتميز بشكل مبتكر مع تقنية LED DRL وأضواء تحديد المواقع المميز لفينيو الجديدة، ولما نروح لجانب فينيو هنشوف المظهر الجانبي بيزيد من جرأة وجاذبية فينيو كسيارة رياضية متعددة الاستعمالات. وكمان عوارض جانبية أعلى جوانب السقف من نوع الجسر اللي بتضيف المزيد من الطابع الرياضي وطبعا اللون المزدوج بيعطي شكل رياضي لفينيو وكل ده معاه كتير من التشطيبات النهائية الخارجية لمقابض الأبواب والجنوط البراقة.
ولما نشوف مقصورة هيونداي فينيو اللي عملت هيونداي فيها شغل كبير هيونداي نجحت في ابتكار تصميم داخلي مميز بداية من تنجيد المقاعد بلونين ودمج التقنية في كل جزئية بالمقصورة خاصة التقنيات الذكية اللي بتستهدف راحة الركاب كمان مساحة المقاعد الداخلية المناسبة جدا بالقياس لحجم السيارة واللى بتوفر مستوى راحة حقيقي في الرحلات، وفي الخلف مساحة محسّنة لراحة الركبة ومدعومة بتصميم مبتكر لظهر المقعد الأمامي اللي بييجي على شكل مغرفة علشان يدى براح لأقدام ركاب المقاعد الخلفية.
ولمن ننتقل للباب الخلفي هنشوف انه صار أوسع وأصبح عرض فتحة الأمتعة 96.1 سم، وبالنسبة لمساحة التحميل في فينيو حنلقى انها بتوصل إلى 343 لترًا وممكن زيادة مساحة التخزين بسهولة عن طريق طي مسند ظهر المقعد الخلفي وكل هذا بيعتبر من المزايا المهمة جدا اللي تخلى فينيو بالفعل سيارة متعددة الاستعمالات بشكل استثنائي، وطبعا هذي نقطة بيع رئيسية بتشجع العملاء المحتملين على التفكير بجدية في السيارة. وختاما حضرات السادة المشاهدين والسيدات نوصل معاكم للتقنيات العامة في السيارة اللي بتعتبر اليوم مغرية وأساسية لرغبات العملاء وحنشوف أن فينيو زودتها هيونداي بشاشة مقاس 8 بوصات وبتعمل باللمس مع قوائم ممكن التنقل بينها بسهولة وشاشة الترفيه والمعلومات هذي مربوطة مع أنظمة أبل كار بلاي وأندرويد أوتو وميرور لينك، بالإضافة لتقنية البلوتوث اللي بتشغل الهاتف بدون استخدام اليدين وكمان ممكن التعامل مع الكاميرا الخلفية ونظام مساعدة الاصطفاف الخلفي بسهولة وفعالية كبيرة.